Polîsan hêrişê endamanê SGDFyî kerd: 3 kesî destbend kerdî
Polîsanê tirkan hêrişê wendekaranê ke meseleya cayê mendişî ser o verê Serekîya AKPyî ya Îzmîrî de eşkerayîye danê kerd û 3 endamê SGDFyî erdî ra kaş kerdî, destbend kerdî.
3 endamanê Federasyonê Dezgehanê Ciwanan ê Sosyalîstan (SGDF) pê armancê protestokerdişê meseleya cayê mendişî verê Serekîya AKPyî ya Şaristanî ya Îzmîrî de eşkerayîyêke daye. Polîsan çalakîye de hêrişê wendekaran kerd.
Polîsan 3 ciwanî Gamze Toprak, Îsmaîl Temel û Tuncay Yildirim erdî ra kaş kerdî û destbend kerdî. Ciwanî ameyî berdene bi Mudirîya Asayîşî ya Îzmîrî.
