Derheqê nawnayîşanê şermezarkerdişî yê ke peynîya hewteyî de Tehran de ameyî kerdene de medyaya komelkîye ser o ame weşanîyane ke nawnayîşan de vengê çekan ame eşnawitene û tay kesî birîndar bîyî. Çimeyan hema tesdîq nêkerd ke dîmenî rast ê yan ney. Polîsanê Tehranî îdîa kerd ke înan vera çalakîkeran çeke nêşxulnayo .

Şefê polîsan Huseyîn Rahîmîyî vat: "Wextê çalakîyan de ferman polîsan ra ame dayene ke çeke do nêre xebitnayene."

Çalakîyê şermezarkerdişî tewr tay 17 şaristanan de vila bîyî. Tehran, Isfahan, Ahvaz, Şîraz, Tebrîz, Kazvîn, Zencan, Arak û Kirmaşan, Sîne û Ûrmîye yê Rojhelatê Kurdîstanî zî nê şaristanan ra yê.