Qamişlo de bi hezaran kesan seba azadîya Rayber Apoyî rayraşîyayîş kerd. Rayraşîyayîş de bale ameye antene Vengdayîşê Haştîye û Komelê Demokratîkî yê Rayber Apoyî ser û venga dewleta tirke dîya ke game bierza.
Qamişlo de serkêşîya Înîsîyatîfê Şarî û Înîsîyatîfê Azadîya Rayber Apoyî yê Sûrîye de bi şîarê ‘’Rayber Apoyî rê Azadîye, Meseleya Kurdan rê Çareserîye’’ rayraşîyayîş ame kerdene. Bi hezaran kesî tewrê rayraşîyayîşî bîyî.
Çalakîye de fotografê Rayber Apoyî ameyî akerdene û sloganê sey "Bi can bi xwîn em bi te re ne ey Serok" û "Bê Serok Jiyan Nabe" ameyî vatene. Dima nameyê înîîyatîfî ser o Şeha Xelîl qisey kerd.
Şeha venga dewleta tirke da ke seba çareserîya meseleya kurdan cade gaman bierza, Rayber Apoyî vera bida."
