Goreyê eşkerayîya Ofîsê Lîbya yê Rêxistina Koçî ya Mîyanneteweyîye (IOM) qeraxanê Lîbya de keştîya koçberan cumê awe bîya.

Ame parekerdene ke keştîye de 86 koçberî est bîyê û nînan ra tewr tay 60 koçberan dinyaya xo bedilnaya.

IOMî dîyar kerd ke cinî û domanî zî tede keştîye de hemwelatîyê Nîjerya, Gambîya û welatanê Afrîka est bîyê û nînan ra 25 tenî ameyê xelisnayene.

Lîbya û Tunus seba şîyayîşê Ewropa di guzergehê esasî yê tehlukeyînî yê.

Vervatoxê IOMî Flavio Di Giacomoyî hesabê xo yê Xî ser de eşkerayîyêke daye û ard ziwan ke emser Dengizê Sipî yê Mîyanênî de tewr tay 2 hezar û 250 merdiman dinyaya xo bedilnaya.

Di Giacomoyî vat: ''Na hûmara dramatîke mojnena ke seba xelisnayîşê merdiman xîretê qîmî nênê kerdene.''