Qeraxanê Sahra de tewr tay 40 koçberî fatisîyayî
Qeraxanê Sahraya Rojawanî ya başûrê Fasî de keştîyêke cumê awe bîye û tewr tay 44 koçberî xeniqîyayî.
Rêxistina komelê sivîlî ya Spanya Gaminando Fonterasî bi eşkerayîyêke pare kerd ke qeraxanê Sahraya Rojawanî de keştîyêke cumê awe bîye.
Ronayoxa rêxistine Helena Maleno pare kerd ke netîceya serebûtî de 44 kesan dinyaya xo bedilnaye. Helena Maleno da zanayene ke 12 koçberî ameyê xelisnayene. Eşkerayîye de nêame eşkerakerdene ke koçberî şîyêne kamca. La koçberê fasî exlebî şinê girawanê Kanarya yê Spanya.
Her serre qeraxanê Sahra de bi hezaran koçberî xeniqîyenê. Goreyê doneyanê Wezîrîya Karanê Zereyî ya Fasî heta nika 2022 de 14 hezar û 700 koçberê qeçaxî ameyî astengkerdene û 52 şebekeyê bazirganîye ameyî tasfîyekerdene.
Goreyê doneyanê Wezîrîya Karanê Zereyî ya Spanya tewr tay 40 hezar koçberî 2021 de bi rayîrê dengizî resayî Spanya.
