Goreyê agahîyanê asayîşî, qeraxanê nêmgirawa Peloponezî (Mora) yê Yunanîstanî de keştîya koçberan cumê awe bîya. Dîya zanayene ke keştîye de tewr tay 100 kesî est bîyê û nînan ra 17 koçberan dinyaya xo bedilnaya.

Koçberê ke xelisîyayê, ameyî berdene bi lîmanê Kalamata. Asayîşî pare kerd ke êlegê xelisnayîşî nêdîyayo koçberan. Derheqê neteweyanê koçberan de agahîyêke nêameye dayene.

Yunanîstano ke sînorê teberî yê Yewîya Ewropa yo, seba koçberan noqtaya derbazbîyayîşê Ewropa ya. Raywanîya koçberan de tim trajedîyî qewimîyenê. 

Rêxistinê komelê sivîlî Yunanîstanî sûcdar kenê ke koçberan bi hawayêkê komkîyî apey erşaweno û înan rê kerdişanê xiraban keno.