Dezgehê mîyanneteweyî yê bi nameyê Watch The Med Alarm Phone yo ke venga kesanê ke dengiz de tengasîye ancenê gêno, bi rayîrê twîtterî eşkerayîyêke weşanaye. Eşkerayîye de ame parekerdene ke keştîyêke hîrê roj ê ke dengizê sipî de bîye serê sibayê dişemeyî cum bîye.

Eşkerayîye ama vatene: ''Goreyê zanayîşan 14 kesî xeniqîyayî ke înan ra 2 tenî doman bîyî.''

Goreyê vatişanê şahîdan hêverî Hêzê Dengizî yê Fasî ra keştîyêka masêgeran hetkarîya koçberan kerde.

Rêxistina komelê sivîlî yê bi nameyê Camînando Fronteras têkilîya înan a bi koçberan esta ke nê koçberî wazenê xo biresnê Spanya. Aktîvîsta rêxistine Helena Maleno twitter de vat: ''Ma seba trajedîyêke biqesawet bîyî û ameye meydan: Rayîrê Kanarya de 14 kesî merdî.''

Yewînanê asayîşê qeraxî yê Spanya gêrenê hîrê keştîyanê bînan ke Fasî ra kewtî rayîr û vînbîyaye yê.

Menga vîyarte de 708 koçberan xo resna Girawanê Kanarya.