Artêşa Iraqî Koyê Qereçoxî ya Mexmûrî de vera DAÎŞî dest pê operasyonêkê hîrayî kerd.

Fermandarê Xwebexşî yê Pêşmergeyanê YNKyî Xazî Feyselî derheqê operasyonî de nê agahîyî dayî: ''Ewro bi beşdarîya Tîmanê Antî-Terorî, leşkeranê Iraqî û pêşmergeyan saete 04.00 de Koyê Qereçoxî de operasyonêk ame kerdene. Nê operasyonî de teyarayanê şerî, helîkopter û teyarayanê keşfî ca girewt. Beno ke operasyon çend rojî dewam bikero.''

Cergê DAÎŞî wextêkî ra nata Iraq de bi hawayêkê aktîfî têgêrenê, vera sivîlan û leşkeran hêrişan kenê. Cergî bi taybetî Mexmûr û Koyê Qereçoxî de xo rêxistin kenê û hêrişan kenê.