Roja 112ine ya şerê Gazze: 183 kesê bînî kişîyayî
Wezîrîya Weşîye ya Hamasî pare kerd ke 7ê teşrîna verêne ra nata Şerîdê Gazze binê hêrişanê Îsraîlî de yo û heta nika zafê ci doman û cinîyî 26 hezar û 83 kesî kişîyayê.
Wezîrîya Weşîye ya Hamasî derheqê roja 112ine ya şerî de bîlançoyêka newîye eşkera kerde.
Goreyê bîlançoye 7ê teşrîna verêne ra nata Şerîdê Gazze binê hêrişanê Îsraîlî de yo û heta nika zafê ci doman û cinîyî 26 hezar û 83 kesî kişîyayê.
Hamasî da zanayene ke mîyanê 24 saetanê peyênan de zî 183 kesî kişîyayê û 64 hezar û 487 kesî birîndar bîyê.
Hamasî vat: ''Tay merdimî hema zî binê xirbeyan û enqazanê banan de yê û tîmê xelisnayîşî nêeşkenê xo biresnê înan.''
