Dima ke Jîna Emînî 16ê êlule de amebî qetilkerdene pêro şaristananê Îran û Rojhelatê Kurdîstanî de çalakîyê protestoyî yê seba azadîye û demokrasî dewam kenê.

Derheqê mergê Nîka Şakramîya ke wextê çalakîyan de merdbî de tehqîqat dîya destpêkerdene. Dozgerê Tehranî Alî Salehî nêrazîbîyayîşan ser o qisey kerd û pare kerd ke 400 çalakîkerê ke ameybî destbendkerdene, vera dîyayî. Salehîyî vat: ''Kesê ke vera asayîşê neteweyî bi xirabî têgêrenê do kerdişê xirabî bivînê.''

Rixmê qirkerdişanê dewlete zî çalakîkerî çalakîyanê xo rê dewam kenê.

Şaristananê Rojhelatî de zî cinîyanê wendekaran grev da destpêkerdene. Cinîyanê wendekaran vera tedayanê rejîmî laçikê xo vetî. 4ê teşrîna verêne de şewe, şaristananê Kirmaşan, Îlam, Ûrmîye, Sine, Dîwandere, Seqiz, Merîwan, Mehabad û Dêwlanî yê Rojhelatî de çalakîyan dewam kerd û hêzanê dewlete çalakîkeran rê şîdet mojna.

Îran de zî wendekaranê unîversîteyan çalakîyê protestoyî kerdî. Bi taybetî şaristananê sey Tahran, Şiraz, Meşhed, Esfahan, Reşid, Tevrêz, Zencanî de çalakîyî bêmabên dewam kenê.

Zahedan de goreyê Rêxistina Heqanê Merdiman (IHR) tewr tay 63 kesî ameyê qetilkerdene.

Goreyê IHRyî heta nika domanî zî tede 154 kesî ameyî qetilkerdene.

170 şaristanan de çalakîyî dewam kenê û tewr tay 20 hezar kesî ameyî destbendkerdene.