Konsolosxaneyê Rûsya yê şaristanê Cantona Çînî eşkerayîyêka nuştekîye weşanaye û vat: "Pisporê Rûsya û Çînî dest pê amadekarîya dermanêkî kerd.''

Goreyê eşkerayîyanê fermîyan ê Rûsya de rastê vîrusê korona nêameyî. 

Çîn de goreyê doneyanê fermîyan hûmara nêweşanê koronavîrusî resaye 5 hezar û 974. Ame parekerdene ke 132 kesî zî vîrusî ra merdî.

Pispor Zhong Nanshanî ard ziwan ke vîrus hewteyêk de qasê des rojan do zêde bibo û dima do bibo kêm.

Cigêrayoxanê Enstîtuyê Weşîye yê Neteweyî yê Amerîka zî vera vîrusî dest pê amadekarîya derzinêke kerd.

Zanayaranê Enstîtuyê Dohertyî yê Melbournî zî da eşnawitene ke înan labaratuwar de no vîrus qels kerd û bale ante naye ser ke na game gamêka zaf girîng a.