Seba derzîna bêpere Ewropa de kampanyaya îmzayan

Ewropa de seba ke derzîna vîrusê Korona biba malê hemparî yê merdimîye kampanyaya îmzayan dîyaye destpêkerdene.

Ewropa de qasê 10 welatan de seba ke derzîna vîrusê Korona biba malê hemparî yê merdimîye kampanyaya îmzayan dîyaye destpêkerdene.

Fransa de komîteyêka ke bi desan komele, sendîka û partîyan ra yena meydan paştî dana kampanya. Mîyanê nînan de People Health Movement, Oxfam, Partîya Komunîste ya Fransa û çepgîrê radîkalî yê  LFI zî estê.

Komîteya kampanya eşkerayîya xo de wina vatbi: ''Ganî na derzîne biba malê hemparî yê merdimîye. Ganî derzîne xizmetê pêro hemwelatîyan bikera.''