Fînlandîya Çarşeme rotişê çekan seba Tirkîya wedaritbi. Serekkomar Saûlî Nîînîstoyî Ajansê Xeberan ê Neteweyî yê Fînlandîya rê qisey kerd û seba îşxalkarîya dewleta Tirkî vat, 'bi temamî nêno qebulkerdene'.

Serekkomarî hişyar kerd ke Tirkîya herêma biasayîşe ya  ke wazena saz bike de 3 mîlyon multecîyanê welatê xo do ca bikê, na zî yena a meneya ke Kurdan herême ra dûr bifine. Serekkomarî parbe kerd ke dimayê bombardûmana sivîlan Kurdî herême ra heta başûrî remayê û vat, "Bombayê ke perenê na rewşe sererast nêkenê, giranêr kenê."