Sereko peyên ê Yewîya Sovyetan Mihail Gorbaçovo (91) ke welatanê Rojawanî tira hes kerdêne la rûsî tira aciz bîyê, merd. Gorbaçov sey mesuldarê rijîyayîşê Sovyetan ameyêne dîyene.

Goreyê ajansanê Rûsya Gorbaçov 30ê tebaxe de Nêweşxaneyê Merkezî yê Moskova de merdo.

Gorbaçovo ke 1991 de sîyasetî ra fek vera da, 2016 de roportajêk da Sunday Timesî û vat: ''Mi goreyî zafê rûsî newe ra restorasyonê Yewîya Sovyetan nêwazenê la ez reyna zî rijnayîşê Sovyetan ra poşman a. '' Gorbaçovî heman roportajî de vat ke Amerîka pê rijîyayîşê Sovyetan 'kêfweş' bîya.