Sri Lanka ya ke tede krîzê ekonomî xorî bîyo de bi hezaran kesan eşt qesra Serekê Dewlete Gobataya Rajapaksayî ser.

Şaro ke her hetê welatî ra ame pêser vera krîzê ekonomî û xirab îdarekerdişê welatî bi waştişê îstafayê Rajapaksayî ver Kolombo rayra şi. Çalakwan barîkatê polsîan rijnayî resayê qesra serek Rajapaksayî. Polîsan guleyî kerdî hewayî ser ra û bombayê hesran şuxulnayî la qismê ke şarî kewt zere. Selahîyetarêkî da zanayene ke serek Rajapaksa hetê yewîyêka leşkerî ra yeno pawitene. Goreyê BBC wezîfdarê asayîşî zî tede 33 kesê birîndar bîyî. Badê qewimîyayîşan Serekwezîr Ranil Wickremsingheyî semedê komîyayîşê lezabezî veng da partîyanê sîyasîyan ê Sri Lanka. Reyna serekê meclîsî ra zî waşt wa parlamentoyî bido arê. Şar serekê dewlete sey berpirsîyarê krizî hesibneno.