Wekîla sosyalîste û xosere ya Swêdî Amînehe Kakabaveh prosesê janî de derheqê rewşa tepişteyan ê sîyasîyan de persnameyêk da parlameno. Amînehe Wezîrê Karanê Teberî yê Swêdî Ann Linde ra rewşa wekîl û hemşaraderanê tepişteyan persaye û ard ziwan ke Yewîya Ewropa û Swêdî do senî têbigêrê.

Lîndeyî da zanayene ke Tirkîya de hêrişê vera demokrasî û krîterê dewleta huqûqî xeylêk cidî yê û vat: ''Nêno qebulkerdene ke sîyasetmedarê muxalîfî pê sûcdarîyanê kêfîyan wezîfeyanê xo ra bêrê girewtene.''

Lîndeyî eşkera kerd ke Wezaretê Karanê Teberî na rewşe Sersefirîya Tirkîya ya Stockholmî de ercnaye. Lîndeyî vat: ''Swêdî na babete kombîyayîşanê Yewîya Ewropa de zî arde rojdem.''

Lîndeyî hesabê xo yê twitterî ra zî vera darbeya AKP-MHPyî nêrazîbîyayîşê xo mojna.