Goreyê xebera AFPyî Rejîmê Talabanî yê Afganîstanî fermanêk şawit şîrketanê rayîranê hewayî û qedexe kerd ke cinîyî têna cinuşê teyarayan.

Şîrketanê Ariana Afghan Airlines û Kam Airî xebere sereraşt kerde. Ame parekerdene ke bire kombîyayîşê temsîlkaranê Talabanî, şîrketanê rayîranê hewayî de ameye girewtene. Şîrketan AFPyî rê da zanayene ke seba cinîyanê ke wazenê têna raywanîye bikerê rotişê biletan ame vindarnayene.

Talîbanî verî zî cinîyan rê dibistana mîyanêne qedexe kerdbî.

Talîbanî tebaxa 2021î de afganîstan vist xo dest û a roje ra nata teda û dişmenîya vera cinîyan rê dewam keno. Talîbanî cinîyê ke seba heqanê xo çalakîye kerdêne zî tepiştî.