Terefgîranê Muqteda Sedrî yê ke 3 hewteyan ra zêdeyêr o verê Parlamentoyê Iraqî de çalakîye kerdêne, verê Mehkemeya Berze de çalakîya roniştişî daye destpêkerdene. Çalakîkeran rijnayîşê parlamentoyî û têkoşînê vera bêusûlîye waşt.

Bi mengan o Iraq de sîyaset teng bîyo. Hêzê sîyasî derheqê weçînitişê serekkomarî/e de pê nêkenê.

10ê tebaxe de lîderê şîayan Muqteda Sadrî venga mehekeme dabi ke parlamentoyî birijna û hakîman da zanayene ke na babete de yew selahîyetê înan çin o.

Serekwezîr Mustafa Al Kazimîyî hewteyê verênî de seba krîzî ra vetişî xîret kerd ke 'dîyalogê neteweyî' aver şorê. La temsîlkaranê Sedrî kombîyayîşê dîyalogan boykot kerd.