Teyaraya raywanan a Ukrayna ginaye war: 168 kesî merdî

Îran de teyaraya raywanan a Ukrayna ya bi tîpê Boeing 737î ginaye war. Qeza de bi temamî 168 kesî pêro raywanî merdî.

Ame zanayene ke teyaraya ke aîdê şîrketêka hewayî ya Ukrayna ya dima ke Tehranî ra werişte wextêkê kilmî de şeristanê Şahrîarî yê rojawanê Îranî de awil kile kewte ci û dima zî ginaye war.

Serekê Komera Ukrayna Volodîmîr Zelenskîyî da zanayene ke pêro raywanan û personelan ê teyaraya Boeing 737î wefat kerd. Goreyê selahîyetdaranê Ukrayna teyara de 168 kesî estbî. Teyara Tehranî ra şîyêne Kîev.

Semedê qezayî nêno zanayene la qeza wextê alozîya mabênê Îranî û DYA de ame meydan. Ajansê xeberan ê Farsî nîşan da ke beno ke teyara sedemanê teknîkan ra ginaye war.