DYA 3ê çeleyî de Bezdad de fermandarê Îrabî Qasim Silêmanî û berpirsîyarê Haşdî Şabîyî kişt. Komanê ke nêzdîyê Haşdî Şabîyî yê Serekkomarê Iraqî rê gef wend û krîz xorinêr bi.

Berpirsîyarê Asayîşî yê Tugayanê Hîzbullahî Ebu Alî Askerîyî Serekkomarê Iraqî Berhem Salîhî rê gef wend ke wa Serekê DYA Donald Trump reyde nêronişo. Askerîyî twitterê xo ser pare kerd ke eke Salîh Trump reyde ronişo ê do Salîh Bexdadî ra bifetilnê.

5ê çeleyî de parlamentoyê Iraqî bire dabî ke ganî hêzê xerîbî Iraqî ra bêrê vetene. La Tirkîya, DYA û hêzanê koalîsyonî pare kerd ke ê do nêvejîyê. Komê Şîîyî yê Iraqî wazenê ke pêro hêzê xeribî Iraqî ra bêrê vetene.

Serekê Têgêrayîşê Sardî Mukteda Es Sadrî vera baregehanê leşkerî yê DYA venga şarî da ke wa bivejîyo meydanan. Sadrî twitterê xo ser o wina vat: ''Nawnayîşan serûber bikerê, aver şorê. Welatê ma de seba xerîban cayêk çin o."

Yeno pawitene ke 24ê çeleyî de roja îneyî vera hêzanê xerîban ê Iraqî nawnayîşê pîlî do bêrê kerdene.