Şerê mabênê Rûsya û Ukrayna 24ê sibate ra nata dewam keno. Goreyê servîsanê hetkarîya lezabeze yê Ukrayna Rûsya Kiev de bînayêke daya bombayan ver û bombarduman de tewr tay 12 kesî birîndar bîyî. Dormeyê paytextî de şerêko giran esto û hêzê Rûsya xîret kenê ke ablûkaya vera Kievî wedarnê.

Teyarayanê Ukrayna herêma Donetskî daye bombayan ver. Bombarduman de 20 kesî merdî û 9 kesî zî birîndar bîyî. Rusya zî roja yewşemeyî Livivê Polonya de baregehê leşkeranê xerîban da bombayan ver û nê hêrişî de tewr tay 35 kesî merdî.

Bîlançoya şerî

Goreyê Neteweyanê Yewbîyayeyan destpêkê şerî ra nata 2,7 mîlyon kesî Ukrayna ra vejîyayê. Goreyê bîlançoya selahîyetdaranê Ukrayna heta nika 498 leşkerê înan merdê, goreyê Rûsya zî heta nika 2 yan zî 4 hezar leşkerê Rûsya merdê.

Goreyê NYyî 596 sivîlî merdê la goreyê texmînan bîlançoya raştikêne giranêr a.

Beno ke roja dişemeyî mabênê Ukrayna û Rûsya de muzakereyê neweyî do bêrê kerdene.