Komîserîya Berze ya Multecîyan a Neteweyanê Yewbîyayeyan (UNHCR) da zanayene ke hûmara merdimanê ke pê zorî ca û warê xo ra bîyê, resaye 110 mîlyon ke na hûmare rekorêko newe şiknayo.

Menga nîsane de Sûdan de şerêkê neweyî, 2022 de Ukrayna de şerê bi Rûsya, Afganîstan de krîzê merdimatîye dest pêkerd û nînan zî rewşa îstîsnayîye xirabêre kerde.

UNHCRyî raporê xo yê serraneyî de pare kerd ke hûmara multecîyanê ke welatê xo ra remayê yan zî mîyanê welatê xo de cayê xo vurnayo, heta nika hende zaf nêbibî.

UNHCRyî dîyar kerd ke heta peynîya serre 108.4 mîlyon merdimî multecî bibî yan zî cayê xo ra bîyê.

2021 de hûmara koçberan 19.1 mîlyon de mendbî.