Fonê Hetkarîye yê Domanan ê Neteweyanê Yewbîyayeyan (UNÎCEF) bi beyanatêkî bale ante domananê ke hêrişê dewleta tirke û cerganê aye de şehîd bîyî ser.

Beyanatî de ame vatene ke bombardûmana 2yê kanûne de 8 domanê ke serrê înan 15î ra qijêr ê ameyî kiştene û 8 domanî zî birîndar bîyî. Bayanetê UNICEFî de wina ame vatene: "Na menga peyêne de hêrişê vera Vakurê Sûrîye de 34 domanî ameyî kiştene.'' Hêrişî de 8ê înan domanî 10 kesî şehîd bîyî û 10î ra zêdêr kesî zî birîndar bîyî.

Beyanatî de ame behskerdene ke zaf merkezanê Sûrîye de her ke şer beno giran hîna zêde domanî mirenê û hetê prensîpî ra ganî domanî bêrê pawitene la şerê 9 serre yê Sûrîye de her tim domanî ameyî kiştene.

UNICEFî venga terefanê şerî yê Sûrîye da ke mîyanê her şert û mercî de domanî bipawê û vat: "Êyê ke hêriş kerd seba ke bi zanayîşî domanî kiştî ganî sey berpirsan bêrê dîyene."