Mudira UNICEFî Henrietta Fore vat: ''Mengan ra nata domanî perwerde nêvînenê û na mesele mojnena ke ma hewceyê perwerdeyêkê globalî yê. No do des serran ra dima tesîrê xo bimojno.''

Goreyê UNICEFî dinya de vîrusê Korona tesîrê nêzdîyê 1,5 mîlyar domanan kerd û hîrê domanan ra yew/e yanî 463 mîlyon domanî nê prosesî de perwerde ra dûrî mendî.

Domanê ke perwerdeyê dîjîtalî ra mehrûm ê, nînan ra 67 mîlyonî Afrîkaya Rojhelate û Başûre de, 54 mîlyonê ci zî Afrîkaya Rojawan û Mîyanêne de, 80ê mîlyonê ci Pasîfîk û Asyaya Rojhelate de, 38 mîlyonê ci zî Rojhelatê Mîyanênî û Afrîkaya Vakure de yê.

Xeylêk welatî xo seba temrînê neweyî amade kenê. UNICEfî venga hukmatan da ke wa dibistanan de tedbîrî bêrê girewtene.