Goreyê eşkerayîya Komîsyona Weşîye ya Neteweyî ya Çînî vîrusê Korona ra 89 kesê bînî merdî. Vîrusê Çînî ra 811 kesî merdî. Hong Kong de û Fîlîpînan de zî kesêkî vîrusî ra wefat kerd. Bi nê hawayî hûmara merdimanê ke vîrusê Korona ra merdî hûmara kesanê ke vîrusê Srasî ra merdî ra bîye zêdêr ke mabênê serranê 2002-2003î de pêro dinya de 774 kesî vîrusê Srasî ra merdbî.

Heta roja yewşemeyî herêmanê xoseran ê Hong Kongî û Macaoyî zî tede Çîn de 37 hezar û 200 kesî vîrusê Korona ra kewtî. Goreyê rojêka verî 2 hezar û 600 nêweşê bînî bîyî zêdêr.

Vîrus dinya de beno vila. Dormeyê 30 welat û herêman de tewr tay 320 kesî vîrusî ra kewtî. Fransa de 8ê sibate de roja şemeyî panc kesanê bînan de vîrusê Korona ame tesbîtkerdene. Nê pêro zî hemwelatîyê Îngîlîztanî yê ke 4ê înan pîl ê û yew zî doman o. Fransa de hûmara kesanê ke vîrusê Korona ra kewtî 11 a.