Qiralîyeta Arabîstana Suûdî nê hewteyî hec bi hawayêkê demkî vindarna. Dima ke zîyaretê Kabeyî ame vengkerdene pancşeme dormeyê Kabeyî de merdimêk nêmend.

Selahîyetdaran pare kerd ke seba ke ê verê vilabîyayîşê Korona bigêrê tebdîrêko winasên girewt. Selahîyetdarêkî derheqê babete de AFPyî reyde qisey kerd û vist vîrî ke birêka winasêne verê cû nêamebî dayene. Xeylêk welatan rojanê peyênan de vera vîrusê Korona (Covid-19) tebdîrî girewtî. Xeylêk welatan kombîyayîş, festîvake û çalakîyê sporî batal kerdî. 5 herêmanê Arabîstana Suûdî de tewr tay 150 kesan de vîrusê Korona ame tesbîtkerdene. Her serre bi mîlyonan kesî zîyaretê Kabe kenê. Goreyê doneyanê fermîyan serra 2018î de 18.3 kesan umre kerd. Serra 2019î de 2.5 mîlyon kesan zî hec kerd.