Vîrusê korana yo ke menga kanûne de Çîn de vejîya werte bi tewirê lezabezî vila beno. Hûmara kesanê ke cuya xo vînî kerde bîye 170 û kesê ke vîrus ravêrto ci 7 hezar 700 ra zêdêr ê.

Çîn de rîyê vîrusê korona ra mergî zêdîyenê. Komîsyonê wîlayetê Hubeyî da zanayene ke 24 saetanê peyînan de 37 kesî merdî. Selahîyetdaranê Çînî da pêhesanyene ke heman demî vîrus ravêrt hezar 700 kesanê bînan. Goreyê eşkerayîyanê fermîyan pêro pîya 170 kesî merdî û temamî de 7 hezar 700 kesan de vîrus ame tespîtkerdene. Goreyê zanayîşan vîrusê korona sey janê sras o. Janê srasî yê 2002-2003 de 774 kesan cuya xo vînî kerde bi.

Tewr Tay 19 Welatan rê Vila Bi

Ame zanayene  ke Vîrusê Korona tewr tay 19 welatan rê vila bi. Fransa de panc vakayî ameyî tesbîtkerdene. Amerîka de zî panc kesan de vîrus ame tesbîtkerdene. Welatê bînê ke vîrus înan de vila bîyo wina yê: Almanya, Koreya Başûre, Japonya, Nepal, Sîngapur, Tayvan, Tayland, Vîetnam, Hong Kong, Macao, Awusturya, Kanada, Kamboçya, Srî Lanka, Malezya, Emîrîyanê Yewbîyayeyan ê Ereban û Fînlandîya.

Heta nika hema vera nê vîrusî dermanêko taybet nêame dîyenê la derzînêk yena amadekerdene ke vernîya vîrusî bîgêro.