Rêxistina Weşîye ya Dinya seba ke şaşî û rastîye cîya bikera medyaya komelkî de dest pê kampanyayêke kerd. Bi nê hawayî rêxistine wazena ke cewab bida weşan û îdîyanê ke facebook û twitter de yenê parekerdene.

Nê xeberanê derheqê vîrusî de ra yew zî no yo ke sîr vera vîrusê Korona baş o. WHOyî cewab da na îdîa û da zanayene ke destê înan de derheqê naye de delîlêk çin o.
 

WHOyî îfade kerd ke dûyê fîşekanê hewayî têkoşînê vera vîrusî de fayde nêkeno û bi heman hawayî xebitnayîşê antîbîyotîkan zî fayde nêkeno. 

WHOyî da eşnawitene ke kolî yan zî hacetanê Çînî ra zerar nêno û vat ke vîrus objeyanê bi nê hawayî ser o wextêkê dergî nêeşkeno bimano.