Walîtîya Dêrsimî seba 15 rojan çalakî û aktîvîteyî qedexe kerdî

Badê xespkerdişê Şaredarîya Perî ya Dêrsimî ya HDP'yî walîtîye bajarî de seba 15 rojan çalakî û aktîvîteyî qedexe kerdî.

Hemşaredarê Perî ya Qezaya Mazgêrdî ya Dêrsimî Orhan Çelebî û Songule Dogan  vizêr wezîfeyî ra ameyî girewtene û herinda înan de Qeymeqamê Mazgêrdî Menderes Topçuoglu ame cakerdene.

HDPyijan vera xespkerdişê îradeyî verê banê şaredarîye de dest bi çalakîya roniştişî kerde. Walîtîya Dêrsimî seba 15 rojan bajarî de çalakî û aktîvîteyî qedexe kerdî.