Musteşarê MÎTî Hakan Fîdanî 11ê êlule de Bexdat de lîderanê sunîyan ra Hamis Hançerî, Serekkomarê Iraqî Berhem Salihî û Serekwezîr Mustafa El Kazimîyî de tay pêvînayîşî kerdbî. Zîyaretî rayaumûmîye rê akerde bîyî la derheqê tedeyîya pêvînayîşan de eşkerayîyêke nêdîyaye.

Goreyê xebera Rojnewsî Wekîlê Parlamentoyê Iraqî Arîf Humamîyî vera zîyaretan nêrazîbîyayîşê xo mojna û vat: ''Fîdan wa teşkîlatanê îstîxbaratî de ronişo, o nêeşkeno selahîyetdaranê sîyasîyan de ronişo. Wina yew selahîyetê Fîdanî çin o.''

Humamîyî pêvînayîşê Fîdanî yê bi Lîderê Kaolîsyonê Serwerîya Sunîyan Hamis Hançerî sey 'ajanîye' pênase kerd û vat: ''Iraq hende qels o ke dewleta tirke bi hawayêkê rehetî Iraq de eşkena fealîyetan û cigêrayîşanê îstîxbaratî bikera. La vera bey Iraq çîyêkî nêkeno.''

Wekîlê Parlamentoyê Iraqî Arîf Humamîyî waşt ke wa zîyaretê ke Musteşarê MÎTî Hakan Fîdanî Bexdad de selahîyetdaranê payeberzan de kerdbî, bêrê cigêrayene.