Rojhelatê Kurdîstanî û Îran de 16ê êlule qetilkerdişê Jîna Emînî ra nata çalakîyê şarî dewam kenê. Serewedaritişê şarî bi şîarê ''Jin, Jiyan, Azadî'' dewam keno.

Goreyê Rêxistina Heqanê Merdiman a Îranî (ÎHR) mîyanê 200 rojan de tewr tay 537 kesî hetê rejîmê Îranî ra ameyê qetilkerdene.

Heta nika 4 çalakîkerî ameyî dardekerdene. ÎHRyî pare kerd ke rejîmê Îranî dardekerdişî sey hacetê tersnayîşî şuxilneno û rejîm şermezar kerd.

Êlule de 223 kesî ameybî qetilkerdene. Teşrîna verêne de 100, teşrîna peyêne de 173 kesî, kanûne de 25 kesî ameyî qetilkerdene.

Mabênê 17-30ê êlule de 5, teşrîna verêne de 30, teşrîna peyêne de 57 û kanûne de 72 kesî ameyî dardekerdene.