Vervatoxîya Temsîlkarê Berzî yê Polîtîkaya Teberî yê YE eşkerayîya xo de vat: "Ma zaf biqesawet ê. YE fikrê xo de israr keno ke seba krîzê Lîbya çareserîya leşkerî hewce nîy."

Vervatoxî hîşyar kerd û vat: "Paştdayîşê terefanê krîzê Lîbya kenê ke herême de alozîye bêra meydan.'' Vervatoxî veng da ke ganî ambargoyê YE yê çekan bi temamî bêrê caardene."

YE hetê bînî ra venga Sefîrê Taybetî yê Lîbya yê YE da ke paştî bido xîretê seba aramî û asayîşê Lîbya.

Parlamentoyê Tirkîya roja pancşemeyî bi tezkereyêk qebul kerd ke leşkeran bierşawo Lîbya.

Rejîmê tirkan bi hawayêkê eşkera paştî dano hukmatê Trablusî yo ke terefgîrê Îhvanî yo. Tirkîya wesayîrê bizirxî, teyarayê şerî yê bêmerdimî û zaf cergî erşawitî Lîbya.

Serekê DYA Donald Trumpî roja pnacşemeyî Erdogan reyde bi rayîrê telefonî qisey kerd û o derheqê Lîbya de hîşyar kerd. Trumpî vera tezkereyê Lîbya nêrazîbîyayîşê xo mojna.

Îsraîl, Qibris, Yewnanîstan û Misir zî wina fikirîyenê ke mudaxeleyê Tirkîya yê krîzê Lîbya herême de bêaramîye do bîyaro meydan.