Endama Karanê Zereyî yê Komîsyonê Yewîya Ewropa (YE) Ylva Johansson Bruksel de kombîyayîşê çapemenîye de pare kerd ke ê wazenê ê kesanê ke waştişê înan ê multecîtîye nêameyo qebulkerdene, bişawê welatanê înan.

Johanssone îfade kerd ke 2022 de hûmara muracatanê multecîtîye se ra 50 zêdîyaya û resaya 90 hezarî. Johanssone vat: ''Eke wina dewam bikero kapasîteya multecîtîye pirr bena. Coka ganî ma tedbîran bigêrê. Ganî ma hûmara apeyerşawitişî bizêdînê.''

Stratejîya apeyerşawitişî do pêşkêşê kombîyayîşê Wezîranê Karanê Zereyî yê welatanê YE rê bêra pêşkêşkerdene. Kombîyayîş do nê hewteyî Stockholm de bêro kerdene.

Goreyê doneyanê Komîsyonê Ewropa mîqtarê multecîyanê ke tebersînorî ameyê kerdene 2021 de se ra 21 bi. Nika Komîsyon wazeno nê mîqtarî bikero se ra 70î.