Parlomentoya Ewropa  pêkerdişê Brexitî yo ke şertanê vejîyayîşê endamîya Îngîlîstanî ya Yewîya Ewropa  geno dest, tesdîq kerd.

Vîjnayîşê Heyetê Pêroyî yê Parlamentoya Ewropa ya Brukselî endamîya Îngîlîstanî ya nêm seserre ya Yewîya Ewropa vera 49 reyanê ney bi 621 reyanê ya ame tesdîqkerdene. Demê qebulkerdişê Pêkerdişê Brexitî bi vîjnayîşê Konseyê Yewîya Ewropa do biqedîyo. Badê vîjnayîşî 31ê celeyî ra tepîya  Îngîlîstan do Yewîya Ewropa ra bivejîyo û 73 endamê Yewîya Ewropa yê Îngîlîstanî zî cayê xo veng bikerê.

Goreyê Pêkewtişê Brexitî ya ke mabênê Îngîlîstan û Yewîya Ewropa de ame kerdene Îngîlîstan do heta 31ê kanûne do sey endame yewîye bimano la mekanîzmaya sîyasîye de ca nêgêro. Nê demî de hetî semedê pêkerdişê tîcaretê serbestî do muzakereyan virazê. Eke îngîlîstan biwazo demê ravêrtişî derg bikero ganî tewr erey hezîranne de naye biwazo.

Îngîlîstanî 2016 de referandumê Yewîya Ewropa de vera ser ra 48 bi ser ra 52 qerarê Brexitî girewt bi.