YJK-Syî seba Festîvala Cinîyan a Sakîne Cansiz veng da

Festîvala Cinîyan a Sakîne Cansiz a 12ine serkêşîya Yewîya Cinîyan ê Kurdan a Swîsre (YJK-S) de 28ê hezîrane de do bêra kerdene.

FESTÎVALA CINÎYAN A SAKÎNE CANSIZ

Festîvala Cinîyan a Sakîne Cansiz a 12ine serkêşîya Yewîya Cinîyan ê Kurdan a Swîsre (YJK-S) de 28ê hezîrane de do bêra kerdene. Festîvala emserîne bi şîarê ‘’Ma Jin, Jiyan, Azadîye reyde Rêxistinîya Demokratîke Awan Kenê’’ do bikera.

YJK-Syî bale ante Vengdayîşê Haştîye û Komelê Demokratîkî Rayber Apoyî ser û pare kerd ke Rojhelatê Mîyanênî de şer giranêr beno la Vengdayîşê Rayber Apoyî seba şaran bîyo xeta felate.

YJK-Syî vat: ‘’Awankerdişê komelê demokratîkî, kesayetê cinîya şorişgêre-sosyalîste reyde mumkîn o. Coka emser şîarê ma ’Ma Jin, Jiyan, Azadîye reyde Rêxistinîya Demokratîke Awan Kenê’ yo. 

Mîrasê têkoşînê Sakîne Cansiz xetêka serkêşîye awan kerd. Xoverdayîşê Sakîne Şorişê Rojawanî rê serkêşîye kerde û bi felsefeya ‘Jin, Jiyan, Azadî’ seba pêro Kurdîstan û dinya bîye hêvî. Xeta Sakîne têkoşîn aver berd. Sakîne (Sara) vengdayîşêk o; seba cinîyan peymana azadîye ya. 

Têkoşînê Sarayan, Evînan, Rojbînan, Ronahiyan, Zarîfeyan, Leyla Qasiman, Zîlanan, Besê Anûşan, Bêrîtanan, Zeyneb Celaliyanan, Arîn Mîrkanan û ê bînan seba ma vengdayîşê têkoşînî yo. 

Ganî pêro cinîyê azadîgîrî vera faşîzm û serwerîya camêrdan beşdarê têkoşînî bibê. Wext wextê ci yo ke ma xeyalanê embazanê xo bi serkewtişî tacîdar bikerê. Ma venga şarê xo, ciwanan û dostanê xo danê ke tewrê Festîvala Cinîyan a Sakîne Cansiz bibê.’’