Serekkomarê Ukrayna Volodymyr Zelenskyî roportajêk da medyaya Amerîka Newsmaxî û vat: ''Şerê vera Rûsya de her roje 60-100 leşkerê ukraynayîjî mirenê û 500 leşkerî zî birîndar benê. Rewşe rojhelat de zaf çetin a.''

Hêzê Rûsya giranîye danê serê kontrolkerdişê herêma Luhanskî ya Ukrayna. Coka na herêma rojhelate de şerêko giran qewimîyeno.

Severodonetsko ke şaristanêko girîng ê Luhanskî yo, bi giranî kewt destê Rûsya. Yeno vatene ke se ra 90ê şaristanî bombarduman de rijîyayo.

Zelenskyî vat: ''Rojhelat de ma çeperanê pawitişî de yê.''

Goreyê agahîyanê ke çimeyanê rojawanijan dayê hêzanê Rûsya nê şerî de derbê giranî werdî. Hukmatê Ukrayna hewteyê vîyarteyî de îdîa kerdbi ke Rûsya destpêkê şerî ra heta nika tewr tay 30 hezar qurbanî dayê. Rûsya derheqê vînîbîyayîşanê xo de agahîyêka zelale nêdana.

Hetê bînî ra dima ke Amerîka bire daye ke sîstemê roketeştişî bida Ukrayna, Almanya zî têgêraye. Almanya da zanayene ke no sîstemê pawitişê hewayî seba pawitişê şaristanê pîlî do bierşawîya Ukrayna.