Gerîlaya YJA Starî Ekîne Dilda bi wesîleya serrgêra Rojeyê Mergî yê Pîlî yê 14ê Temmuze  ANFyî rê qisey kerd.

Ekîne Dilda bale ante ser ke  Xoverdayîşê  14ê Temmuze serê ciwananê kurdan de tesîro pîl afirna û vat no xoverdayîşî semedê Gerîlayanê Azadîye yê Kurdîstanî bi çimeyê hêz û moralî.

Ekîne Dilda vist vîrî ke Xoverdayîşê 14ê Temmuze yo ke 1982 de Zîndanê Amedî de dest pêkerd tim bi xurtbîyayîşî dewam keno û nê vatî: ''14ê Temmuze de embazan Kemal Pîr, Hayrî Durmuş, Alî Çîçek û Akîf Yilmazî xoverdayîşo sembolîk da destpêkerdene û heta şahdetê xo tewirê xo pawit. Ewro zî embazê ma zîndanan de rixmê heme zextan xover danê û têkoşînî xurtêr kenê.

Xoverdayîşê 14ê Temmuze ewro tunelanê şerî de zî dewam keno. Dişmen wazeno nê xoverdayîş bifatisno la embazî heta nefesê xo yê peyênî vera heme çekanê teknîkîyan têkoşînê pîlî rayra benê. Reyna xoverdayîşo tewr pîl Îmrali de yeno dayene. Şexsê Rayberîye de wazenê xoverdayîş bişiknê la Rayber Apo bi xoverdayîşê xo dişmenî felç keno û bêçare verdeno.

Hinda tehamulê dişmenî zî vera nê xoverdayîş û têkoşînî nêmend. Coka şerê xo bi teknîkî dano domnayene.  Tekoşînê ma bi felsefeya Rayber Apoyî pîl beno. 14ê Temmuze bi bingeyê xoverdayîşî. Ma zî xeta ê qehremaman de têkoşînê xo domnenê. Ma do sey gerîlayanê HPG û YJA Starî wayîrê nê xoverdayîşî bivejîyê. Têkoşînê ma ruhê 14ê Temmuze esas geno.''