Merkezê Cigêrayîşanê Warê Komelkî-Sîyasîyî da zanayene ke şîdetê vera cinîyan zêdîyayo û pare kerd ke mabênê 1ê adare û 31ê gulane de tewr tay 94 cinîyî ameyê qetilkerdene û 84 cinîyî zî bi hawayêkê şikdarî merdê.
Merkezê Cigêrayîşanê Warê Komelkî-Sîyasîyî derheqê şîdetê vera cinîyan û hêrişanê cînsîyan ê vera domanan de bîlançoya mabênê 1ê adare û 31ê gulane eşkera kerde.
Goreyê raporê Merkezê Cigêrayîşan mabênê 1ê kanûne û 28ê sibate de şîdetê vera cinî û domanan zêdîyayo. Rapor xeberanê sîteyanê sey Bianet, Jinnews, Ajansê Mezopotamya, Anit Sayaç û Platformê 'Ma do Verê Kişîyayîşê Cinîyan Bigêrê' ra ame amadekerdene.
Rapor de ame pêhesnayene ke mabênê 1ê adare û 31ê gulana 2023yî de 94 cinîyî ameyê qetilkerdene û 84 cinîyî zî bi hawayêkê şikdarî merdê.
185 cinîyî raştê şîdetî ameyî û birîndar bîyî, 9 cinîyî netîceya şîdetî de bi giranî birîndar bîyî. 34 cinîyî raştê gefan ameyî, 14 cinîyî raştê tacîzê camêrdan ameyî, 7 cinîyî raştê hêrişê cînsîyî ameyî û 38 domanî zî raştê hêrişê cînsîyî ameyî.
