Ewro seranserê Vakurê Kurdîstanî û Tirkîya de bi wesîleya 8ê Adare Roja Cinîyan ê Kedkaran a Dinya cinîyî do vejîyê waran. Cinîyî do semedê paştdayîşê mexdûranê Erdlerzî aktîvîteyan organîze bikerê.

Çewlîg de saete 14. 00 de guzergahê  Camîya Hecî Xidirî ra ver bi çatrayîrê PTTyî do rayraşîyayîş bêro kerdene û verê Kuleyê Saetî de eşkerayîya çapemenîye bêro dayene.

Dêrsim de saete 17.00 Kuçeyê Sanatî de do rayraşîyayîş dest pêbikero û Meydanê Seyîd Rizayî de eşkerayîya çapemenîye bêro dayene.

Êlih, Sêrt, Şirnex, Wan û Mêrdîn de rayraşîyayîşê qirsekî û heme bajaranê bînan de pîya platformanê cinîyan do eşkerayîye û rayraşîyayîş hemparî bêrê kerdene.

Ca û saetê tay  çalakîyan ê  bajaranê bînan zî wina yê:

Êlih: 13.00- Parka Yilmaz Guneyî

Dîlok: 18.00 – Parka Yeşîlsu

Meletî: 15.00- Salona Dere Oyunî

Mêrdîn: 13.00- Parka Bejrayîyan a Artuklu

Riha. 12.30- MeydanêTopçuyî

Wan: 12.00- Çatrayîrê Semaverî

Xarpêt: 17.00- Garajê Xozatî

Îstanbul: 19.30-Taksîm

Anqara: 19.00- Meydanê Sakarya

İzmîr: 18.30- Narlidere

Antalya: 17.00- Verê Kişlahanî

Adana: 17.30- Parka Înonu