Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de Fransa de Rayraşîyayîşo Derg yeno kerdene. Çalakîya ke ewro ameye destpêkerdene do 15ê sibate de Strasbourg de bi mîtîngêk biqedîyo.

Heyetê dîplomasîyî ke Hemsereka KCDK-E  Zubeyde Zumrut û Hemserekê CDK-Fyî Şahin Polatî ra yeno pê, dest pê xebatan kerd. Heyetî dezgehê çapemenîye yê Quest France zîyaret kerd û derheqê tecrîdê Îmraliyî 26 serran, hêrişanê îşxalî yê vera Rojawanî û kurdan de raporêk teqdîm kerd.

Heyetî temsîlkarê Wekîl ê Lorientî Damien Girardî reyde zî pêvînayîş kerd qala polîtîkayanê qirkerdişî yê vera kurdan kerd ke  bi seserran o bi hewayêkê sîstematîkî yenê rayraberdene.

Heyetî dima ra Sendîkaya Union Solidairesî sîyaret kerd. Temsîlkaranê Sendîka vat ganî şorişê Rojawanî rê wayîr bêro vejîyayene.

Heyetî da zanayene ke rayraşîyaîşê 26 rojan ke Lorientî ra do ver bi Strasbourgî bêro kerdene, ewro dest pêkerd.