TJA û Meclîsê Cinîyan ê HDP'yî bernameyê xo yê çalakîyan ê seba 8'ê Adare Roja Cinîyan a Dinya rayapêroyî reyde pare kerd. 8'ê Adare ê do Parkê Musa Anterî de bi beşdarbîyayîşê hemsereka Pêroyî ya HDP’yî mîtîngê fînalî bivirazê.
Têgêrayîşê Cînayan ê Azadan (TJA) û Partîya Şaran a Demokratîke (HDP) bernameyê xo yê çalakîyan ê seba 8'ê Adare bi kombîyayîşê çapemenîye reyde eşkera kerd.
Kombîyayîş banê HDP’yî ya bajarî de ame viraştene û hemsereka HDP’yî ya bajarî Yadîşen Karabulake û hemsereka DBP'yî ya bajarî Aynur Tarhane, endama dîwanê Kongreya Cimatî ya Demokratîke (KCD) Mukaddes Karakoçe, pabesteyê TJA'yî yê Wanî û zaf cinî tewrê kombîyayîşî bîyî.
Goreyê eşkerayîye, plansazîya çalakîyan ê 8'ê Adare yê Wanî wina ya:
* 2'ê Adare Erdîş de têhetameyîşê cinîyan, saete 13:00
* 2'ê Adare Westan de têhetameyîşê cinîyan, saete 11:00
* 3'ê Adare Elbak de têhetameyîşê cinîyan, saete 13:00
* 3'ê Adare Ebex (Çaldêran) de têhetameyîşê cinîyan, saete 14:00
* 4'ê Adare Payîzava, Seray, Qelqel û Bêgir de têhetameyîşê cinîyan, saete 2:00
* 6'ê Adare bi beşdarbîyayşê Hemsereka Pêroyî ya HDP'yî Pervîn Buldane Kuçeyê Cumhurîyetî de akerdişê buroyê weçînitişî
* 7'ê Adare raporê qeyûman ê cinîyanan do bêro eşkerekerdene
* 8'ê Adare bi beşdarbîyayşê Hemsereka Pêroyî ya HDP'yî Pervîn Buldane mîntîgê 8'ê Adare
