Bajaranê Hamburg û Frankfurtî yê Almanya û paytextê Norveçî Oslo û paytextê Swêdî Stockholm  de vizêr reyna semedê protestokerdişê qetilkerdişê Jîna Emînî û paştdayîşê serewedaritişê Rojhelatê Kurdîstanî û Îranî çalakîyî ameyî kerdene.

Hamburg de serkêşîya Înîsîyatîfê Cinîyan ê Azadan ê Îranî, Meclîsê Cinîyan ê Rojbîne û Merkezê Komelê Demokratîkî yê Kurdan de semtê Sternschanze de rayraşîyayîşêk ame kerdene. Çalakîye de  bala ameye ser antene ke nêrazîbîyayîşê vera qetilkerdişê Jîna Emînî açarîyayo serederitiş û ame vengdayene ke wa no têkoşîn bêro pîlkerdene.

Frankfurt de zî ci endamê KODAR, FCDK-KAWA û KJARî ke verê îstasyonê trenan ê merkezê bajarî de ameyî têhet heta Meydanê Hauptwache rayra şîyî. Rayraşîyayîş de fotografê Jîma Emînî ameyî kitiştene û slogana Jin Jîyan Azadî ameye eştene.

Oslo de bi semedê paştdayîşê serhildanê şaran ê Rojhelat û Îranî rayraşîyayîş ame kerdene. Rayraşîyayîşo ke verê Wezîrîya Karanê Teberî yê Noveçî de dest pêkerd verê Serseferîya Îranî de pê qiseykerdişan qedîya.Çalakîya ke PJAK, KJAR, KOMALA, PDK-I paştî daye ci nizdê çar hezar kesan tewrê ci bîyî.

Stockholm de zî semedê paştdayîşê serewedaritişê Rojhelatê Kurdîstanî û Îranî çalakîye ameye kerdene.