Rojawanê Kurdîstanî de cinîyî bi wesîleya 8ê Adare Roja Cinîyan ê Kedkaran a Dinya cinîyî xeylêk cayan de vejîyayî meydanan û mesajê pîlkerdişê têkoşînê seba azadîye dayî.

Girkê Legê: Girkê Legê de xeylêk cinîyî tewrê şayîye bîyî û nameyê Kongreya Star û YPJ qiseykerdişî ameyî kerdene. Dima zî hunermendanê Koma Êlêna hunerê xo pêşkêş kerdî. Şayîye pê govendan qedîyaye.

Til Temir: Cinîyan warê Meclîsê Keyeyanê Şehîdan de 8ê Adare fîraz kerd. Şayîye de nameyê Kongreya Star û YPJ qiseykerdişî ameyî kerdene û seba xelisnayîşê Serêkanîyê, Girê Sipî û Efrînî sozî dîyayî.

Heleb: Şayîya Helebî de dima ke temsîlkaranê Kongreya Starî, YPJ û MSDyî qisey kerd hunermendî vejîyayî sehne ser. Şayîye pê govendan qedîyaye.

Amûdê: Şayîya Amûdê de mesajê Fermandarîya Pêroyî ya YPJyî ame wendene. Dima Koma Şehîd Mizgîn, Koma Agirî, Koma Şehîd Dîlan, Koma Jineolojî vejîyayî sehne ser.

Qamişlo: Şayîya Qamişloyî de Fermandara YPJyî Roje Devrîm qisey kerd û seba serkewtişê têkoşînî soz da. Dima Koma Sakîne, Koma Pala, Koma Botan, Koma Kulîlkên Rojava hunerê xo pêşkêş kerdî.

Dêrik: Şayîye de nameyê Kongreya Starî û YPJyî ser o qiseykerdişî ameyî kerdene û dima zî Koma Herêma Koçerat, Koma Kampa Newroz, Koma Înana a Suryanî û Koma Kevana Zêrîn vejîyayî sehne ser û hunerê xo pêşkêş kerdî.

Tirbêsipîyê û Til Hemis: Şayîye de nameyê Kongreya Starî û YPJyî ser o qiseykerdişî ameyî kerdene û 8ê Adare yê pêro cinîyanê dinya ame fîrazkerdene. Şayîye de Koma Lorîne, Koma Stêra Zêrîn a Qamişlo, Koma Çiya ya dîlanan a Til Hemîsê û hunermend Necla Elî deyîrî vatî.

Hesekê: Şayîye de Koma Girê Stêrk, koma Şehîd Arjîn û Koma Jinên Ciwan hunerê xo pêşkêş kerdî. Dima zî kayêkê tîyatroyî ame mojnayene.

Dirbêsîyê: Şayîye de Koma Zîlan deyîrî vatî, cinîyan govend girewt.

Reqa: Koma Weter, Hediyat Ismet, Yasmîn El-Esker û Sîdra Mihemed deyîrî vatî û hunerê xo pêşkêş kerdî. Dima şîîrî ameyî wendene, ciwanan performansê 'tekwando' pêşkêş kerd.

Şehba: Şayîye de qiseykerdişan ra dima cinîyan goş da vengê Rayberê Şarê Kurdî Abdullah Ocalanî yê derheqê cinîyan de. Cinîyan şayîye de govend girewt, tîyatroyî seyr kerdî. Şayîye pê fotografanê Rayberê Şarê Kurdî û şehîdan xemilîyabî.