Kongreya Starî û Yewîya Cinîyan ê Êzidîyan ê Kantonê Efrînî  Şehba de, bi şîarê 'Bi Jin, Jiyan, Azadî; Ver bi Şorişê Cinîyan', bi rayraşîyayîşêkî paştî daye cinîyan ê Şingal û Afganîstanî.

Rayraşîyayîş dima vurîya mîtîngî. Mîtîng de nameyê Yewîya Cinîyan ê Êzidîyan a Rojawanî ser o Gulê Cafer qisey kerd û pare kerd ke cinîyî hetê rejîmanê sey Talîbanî ra yenê qirkerdene. Gulê vat: ''Ê xîret kenê ke nasnameyê cinîyan binpay bikerê û binerd bikerê. La no mumkîn nîyo çunke ê çaxî vîyartî.''

Nameyê Kongreya Starî ser o Necahe El Hesen îfade kerd ke ganî cinîyî bibê yew û vera hişmendîya tarî ya sey DAÎŞ û Talîbanî xo bixelisnê.

Mîtîng de derheqê qirkerdişê êzidîyan ser o tîyatroyêk ame mojnayene. Rayraşîyayîş bi sloganê 'Jin, Jiyan, Azadî' qedîya.