Gerîlayanê YJA Starî Arîne Cûdî, Arjîne Destan Bakur û Zîne Baran bi wesîleya serrgêra 31. ya şehadetê Fermandare Bêrîtane (Gulnaze Karataş) û ronîyayîşê YJA-Starî ANFyî rê qisey kerd.

Arîne Cûdîya ke tunelanê şerî de xo ver dana vat: ''Embaze Bêrîtane xeta îxanetî qebul nêkerde û vera îşxalî tewirêko rûmetên mojna. Embaze Bêrîtane vera xayînan heta fîşekê xo yê peyênî şer kerd û vera teslîmîyetî xo kendalî ra eşt war. Na çalakîye bi giranî tesîr kerd û bîye bingeyê artêşbîyayîşê cinîyan. Ewro ma tunelan de bi ruhê Bêrîtane xo ver danê. Ma do heta peynî wayîrê mîrasê fermandaranê ma Bêrîtan, Delal Amed, Leyla Sorxwîn û Axîn Gabaran vejîyê.''

Arjîne Destan Bakur vat: ''Artêşa ma ya cinîyan ewro pêro cinîyanê dinya rê bîya hêvî û na artêşe dîyarîya Bêrîtan a. Ewro embazê ma bi ruhê Bêrîtane çeperanê şerî û tunelanê şerî de têkoşîn kenê. Ewro ma pêro Bêrîtan ê. Şehîde Bêrîtane vera îxanetî xo kendalî ra eşt war, ewro zî bi hezaran cinîyî vera îxanetî têkoşîn kenê.'' 

Zîne Baran vat: ''Bi îradeyo ke Fermandare Bêrîtane awan kerdo, ma vera dişmenî ewro şer kenê û xo ver danê. Eke dişmen rixmê hêrişanê xo zî nêeşkeno ser bikewo no xêrê mîrasê xoverdayîşê Bêrîtanan ra yo. Ewro zî dişmen veng dano ma teslîm bibê la ma sey Bêrîtane cewabê ci danê. Ma do qetî îxanetî qebul nêkerê. Wa dişmen bizano ke ma do heta peynî sey Bêrîtane xo ver bidê û seba Kurdîstanî xo feda bikerê.''