Endama Koordînasyonê KJARî Çîmene Şine bi wesîleya serrgêra yewine ya serewedaritişê 'Jin, Jiyan, Azadî' ANFyî rê qisey kerd.

Qiseykerdişê Çîmene Şine ra tay noqtayê girîngî wina yê:

''Xerîteya rayîrî ya şorişê cinîyan ê Rojhelatê Kurdîstanî û Îranî pêro dinya ra vila bena. Xeta 'Jin, Jiyan, Azadî' pêlêkê şorişî yo ke wextanê verênan ra cîya yo. 16ê êlula 2022yî ra naya cinîyî bi şîarê 'Jin, Jiyan, Azadî' bedelanê giranan danê û waştişê Îranê demokratîkî û Kurdîstanê azadî de israr kenê. 

Hemleya 'Jin, Jiyan, Azadî' vurîyaya şorişê cinîyan ke no şoriş ewro zî dewam keno. Xoverdayîşê cinîyan û şaran ê Îranî û Rojhelatê Kurdîstanî sey şorişêkê bi serkêşîya cinîyan pêro dinya de bi rojdem. Mîyanê serrêke de nê şorişî erjê pîlî afernayî. 

16ê êlula 2022yî de Jîna Emînî hetê polîsanê exlaqî yê Îranî ra ameye qetilkerdene û nêrazîbîyayîşê vera ney şorişêko pîl aferna. Hetê bînî ra nê qetilkerdişî mîyanê têgêrayîşanê azadîye yê cinîyan ê dinya de ruhê yewîye û hîsêko hempar aferna. Her kar bi fikrê 'Jin, Jiyan, Azadî' ame rêxistinkerdene, seserra 21. bîye seserra cinîyan û armancê xeya serewedaritişî ame dîyarkerdene. Jin, Jiyan, Azadî seba azadîwazan xetêk a. Wextê ci yo ke ma hîna bi xurtî têbigêrê. Wextê ci ameyo ke ma neteweya demokratîke awan bikerê.

Artêşa gerîlayan ê cinîyan bi fikrê azadîya cinîyan camêrdî çok dayî erdî ro. Gerîlayê YJA-Starî raştîya nê fikrî mojnenê. Kesê ke wazenê azad bibê zî ganî peyê nê fikrî de şorê. Her kesî dî ke Şorişê Cinîyan ê Rojawanê Kurdîstanî de cinîyan senî serkêşîye kerda. Paradîgmaya demokratîke, ekolojîke û azadîgîra cinîyan a Rayber Apoyî seba pêro dinya ronesansêko pîl o. 

Rayber Apo 25 serrî yo binê tecrîdêkê giranî de yo. Şexsê Rayber Apoyî de azadîya cinîyan yena tecrîdkerdene. Tewr zaf ma cinîyî do wayîrê Rayber Apoyî vejîyê û bi nê hawayî tecrîdî bişiknê.''