4ê çeleyê 2006î de wextê xoverdayîşê xoîdarekerdişî de Endama DBPyî Sêvê Demîr, aktîvîsta Kongreya Cinîyan ê Azadan (KCA) Fatma Uygur û Hemsereka Meclîsê Şarî yê Silopî Pakîze Nayir ameybî qetilkerdene.

3 cinîyê kurdî rayberîya TJA û Meclîsê Cinîyan ê HDPyî yê Şirnexî de Goristanê Nalaru de bi merasîmêk ameyî yadkerdene. Keye, hemwelatî, Wekîla HDPyî ya Şirnexî Nurane Îmîr, îdarekarê HDPyî û Mayê Haştîye tewrê merasîmî bîyî.

Dadîya Sêvê Demîr Sakîne Demîr serê gorê kênaya xo de qisey kerd û vat: ''Şima seba nê şarî canê xo feda kerd. Ma do wayîrê têkoşînê ma vejîyê û Kurdîstan awan bikerê.''

Nurane Îmîr zî vat: ''Nê 3 gulanê Kurdîstanî vera faşîzmî têkoşîn kerd û têkoşînê xo ma rê sey mîras verda. Nê 3 cinîyî hetê dewlete ra qestî ra kişîyayî. Ma do xoverdayîş û têkoşînê înan xo vîr a nêkerê.''

Qiseykerdişan ra dima qeranfîlî ronîyayî goranê sîyasetmedaran ser û merasîm qedîya.