Bi wesileya 8’ê Adare Roja Cinîyan a Mîyanneteweyîye Lavîro, Basel, Lozan, Langenthal û Londra aktîvîteyî ameyî viraştene û şexsê Leyla Guvene de xoverdayîşê cinîyan ame silmakerdene.

LAVRÎO

Bajarê Lavrîo yê Yûnanîstanî de  bi rayraşîyayîşêk Roja Cinîyan a Mîyanneteweyîye amaye pîrozkerdene. Çalakîye de beyraqê PKK, YPJ û PAJK’î û fotografê şehîdanê cinîyan ê mucadeleyê azadîye yê Kurdistanî ameyî kiriştene. Çalakîye de bi sloganan xoverdayîşê Leyla Guvene ame silamkerdene û azadîya Ocalanî ameye waştene.

BASEL

Bajarê Baselî yê Swîsre de rayberîya Meclîsê Cinîyan ê Ronahî de panelêk ame viraştene. Panelo ke cinîyê enternasyonalîstî tewrê ci bîyî de şorişê Rojawan û dewa Jinwarî dîyayî nasdayene. Aktîvîstanê TJK-E’yî derheqê xoverdayîşê cinîyan ê Kurdan de zanayîş da. Bado zî bi sinevîzyonî  dewa Jinawarî  ameye ramojnayene.

LANGENTHAL

Bajarê Langenthalî de zî çarçiweya aktîvîteyanê 8’ê Adare de hetê Meclîsê Cinîyan ê Nûda ra Leyla Guvene û xoverdayoxanê zîndanan ê ke semedê  wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê,  rê kartê paştdayîşî  ameyî şawitene.

LOZAN

Lozan de zî hetê Meclîsê Cinîyan ê Lajîne û  sazîyanê dostan ra çarçiweya 8’ê Adare de konferansêk ame viraştene. Konferans de problemê cinîyan ameyî ercnayene û halkerdişê înan ser ame qiseykerdene.
 

LONDRA

Londra de zî  bi panelêk kampanyaya TJK-E’yî ya ‘Şidetê hemverê cinî polîtîk o‘ ya ke Ewropa yena domnayene û xoverdayîşê girevê vêşanîye gerîyayî dest. Panel de derheqê cuya û xoverdayîşê  Leyla Guvene de  sinevîzyonêk ame ramotene.