Serkêşîya Têgêrayîşê Cinîyan ê Azadan (TJA) de Amed de bi eşkerayîyêke qetilkerdişê rojnamegeran Gulîstane Tara û Hêroye Bahadîn ame protestokerdene.

Eşkerayîye verê bînaya DEM Partî de ameye kerdene û Wekîlê DEM Partî Serhat Eren zî tede xeylêk kesî tewrê eşkerayîye bîyî.

Hemsereka DBPyî ya Amedî Sultane Yaray tîya de qisey kerd û ard ziwan ke no qirkerdiş bi destekê PDKyî ameyo kerdene û vat: ''Çapemenîya azade bi qetilkerdişan nêqedîyena.''

Hetkara Hemserekanê DEM Partî yê Amedî Necla Korkmaz vat: ''Îqtîdarê AKP-MHPyî çar parçeyanê Kurdîstanî de hêrişan kena ke kurdî wayîrê statuyêkî nêbê. Şarê kurdî do ney qebul nêkero. PDK wa cade hemkarîya nê sûcan ra fek vera bido. Armancê nê hêrişan kêmkerdişê vengê çapemenîya azade û nimnayîşê sûcanê şerî yo. Ma do destûr nêdê ney. Kedkarê çapemenîya azade qelema xo war nêverdê û tim raştîyan binusê.''

Polîsan bi anonsan girse tacîz kerd. Girseyî no bi sloganan protesto kerd.

Eşkerayîye bi slogan û çalakîya roniştişî qedîyaye.