Vizêr Amed de rojnamegere Bêrîtane Canozer zî tede 22 cinîyî ameybî destbendkerdene. Platformê Kede û Demokrasî Sendîkaya Kedkaranê Perwerde û Zanistîyî (Egitim-Sen) de çalakîya eşkerayîye kerd û destbendkerdişê cinîyan protesto kerdî.

Çalakîye de pankarta 'Şima nêeşkenê têkoşînê cinîyan asteng bikerê' akerde û sloganê 'Ma bêveng nêbenê, nêtersenê, îteat nêkerê' û 'Cinîye, Cuye, Azadîye' ameyî vatene.

Sekretera Cinîyan Şubeyê 2. ê Egitim-Senî Songule Canşîmşek eşkerayîye wende. Songule bale ante ser ke nê prosesî de cinîyî bedelanê tewr pîlan danê û îqtîdar pê hêrişan xîret keno îradeyê cinîyan bişikno. 

Songule vat: ''Ma do vera nê polîtîkayanê teda û gefî milê xo çewt nêkerê û têkoşînê xo ra fek vera nêdê. Ma wazenê embazê ma cade vera bidîyê. Heta ê azad nêbê ma do têkoşînê xo ra fek vera nêdê.''